සිරියානු ජනාධිපති බෂීර් අල් අසාද් එම ධුරයෙන් ඉවත් කිරීම සඳහා ඇමෙරිකාව ජිහාද් කණ්ඩායමක් ආරක්ෂා කරමින් සිටින බව බී.බී.සි පුවත් සමඟ සාකච්ඡාවකට එක්වෙමින් රුසියා විදේශ අමාත්‍ය සර්ගේ ලැව්රෝව් පවසා ඇත.
මැදහත් මතධාරී කැරැලිකරුවන්ගෙන් ශක්තිමත් අල් නුස්රා පෙරමුණ ඇතුළු අනෙකුත් අන්තවාදී කණ්ඩායම් වෙන් කිරීමට ඇමෙරිකා එක්සත් ජනපදය දුන් පොරොන්දුව කඩ කර ඇතැයි ද රුසියා විදේශ අමාත්‍යවරයා එහිදි ප්‍රකාශ කර ඇත.
එමෙන්ම ඇලෙප්පෝ නගරයට එල්ල වූ ප්‍රහාර සාධාරණීය කිරීමට ද ඔහු එහිදි කටයුතු කළේය.
ජබාත් ෆටා අල් ෂාම් හෙවත් අල් නුස්රා පෙරමුණ අල්කයිඩා සම්බන්ධිත සංවිධානයකි.
රුසියාව සිරියාවේ ප්‍රහාර වසරක් සම්පූර්ණ වන්නේ සැප්තැම්බර් 30 වැනිදාටය.
“අන් නුස්රා පෙරමුණෙන් මැදහත් විපක්ෂ කණ්ඩායම් බෙදා වෙන් කිරීමේ වගකීම ඇමෙරිකාව බාරගත්තා. එහෙත් තවමත් ඔවුන් එය කරන බවක් නැහැ” රුසියා විදේශ අමාත්‍යවරයා එම සාකච්ඡාවේදී තවදුරටත් පවසා ඇත.
No comments:
Post a Comment