ඊශ්‍රායලයේ හිටපු අග්‍රාමාත්‍ය සීමොන් පෙරෙස් අවමංගල්‍ය උත්සවයට සහභාගී වීම සඳහා පලස්තීන ජනාධිපති මහ්මුද් අබ්බාස් ජෙරුසලෙමට යනු ඇතැයි එරට බලධාරියෙක් උපුටා දක්වමින් රොයිටර් පුවත් සේවය වාර්තා කර තිබුණි.
මෙය ඉතා දුර්ලභ සිදුවීමක් වනු ඇතැයි ද පලස්තීන නායකයා අද (30) ජෙරුසලෙමට පැමිණෙන ඇතැයි ද එම වාර්තාවල දැක්විණි. මෙම අවස්ථාවට අතට අත දීමකින් පමණක් අවසන් වනු ඇත් ද නැතහොත් ඊශ්‍රායල අගමැති බෙන්ජමින් නෙදන්යාහු හා පලස්තීන නායකයා අතර සාකච්ඡා පැවැත්වෙනු ඇත්ද යන පිළිබඳ නිශ්චිත තොරතුරක් වාර්තා නොවීය.
මෙම අවමංගල්‍ය උත්සවයට ඇමෙරිකා ජනාධිපති බැරැක් ඔබාමා ද සහභාගී වීමට නියමිතය. සීමොන් පෙරෙස් අභාවප්‍රාප්ත වූයේ බදාදා (28) දිනයේදීය. ඔහු 1990 දශකයේදී පලස්තීනය හා ඊශ්‍රායලය අතර සාමය ඇති කිරීම සඳහ කළ මෙහෙය වෙනුවෙන් නොබෙල් සාම ත්‍යගයෙන් ද පිදුම් ලැබීය.
කෙසේ වෙතත් ඊශ්‍රායල හා පලස්තීන අතර තිබෙන විරසකය හේතුවෙන් අබ්බාස් ඊශ්‍රායලයට යන තෙක් කිසිවක් නිශ්චිත නැතැයි ද විදෙස් මාධ්‍ය වාර්තා කර තිබූ නමුත් පලස්තීන නායකයා ඊශ්‍රායාලයට යෑමට සැලසුම් කර ඇතැයි පලස්තීන ආරංචි මාර්ග සඳහන් කළේය. කෙසේ වෙතත් මේ සම්බන්ධනේ නිල නිවේදනයක් නිකුත් කර නොතිබිණි.
No comments:
Post a Comment